今日先打番日記，事關真係唔多野打，同埋呢排咁涷，早點訓係張床咪算囉，涷到唔想開電腦．交代番呢排做過咩野先得，上個星期六測英文，星期一測中文，呢兩科都唔難，應該都合格架．星期三考PA，呢科等死都得啦，星期五數學都唔知點，應該都係等死，咁就考完試啦．
之後就係星期六，都係我同老婆仔一齊左三個月既日子，好開心牙，之前都諗會唔會過唔到三個月呢，諗番起呢三個月真係過得好快，呢一年過左四分一得來不易牙．同佢一齊既三個月有開心都有唔開心，聖誕除夕一齊過，甜密地過，攬住寒風下番屋企，特別係攬住佢係好幸福既事．第一年有頸巾做禮物，好珍惜呢份禮物．唔開心既有佢係機鋪俾男仔聊，仲要好開心咁應番人，之後搞到要分手，當然我係唔捨得同佢分手啦．我發覺其間都同佢講左分手兩次，都唔知應該係令感情好左定係反應問題．．
三個月話多唔多，但係都係一個值得珍惜既日子，琴日係三個月後既第一日，老婆仔陪我行街街買衫買褲，當然要佢俾意見啦，佢揀左MONKEY樣既衫－－，會唔會俾人笑呢＞＜老婆仔化得好令女，當然佢著到咁令，我一定開心架．之後落新都會打機，一場俾老婆仔搞到輸左了．心有一種恐懼怕入左機鋪，又會發生佢俾人聊，佢又當我無到，應番人既事件，所以老婆仔係度，我都唔係咁願意入機鋪．之後老婆仔要６點先走得，我就陪佢等到６點半．佢要等個朋友陪另一位朋友過生日．佢都有叫我走先，但係邊有老公會掉低老婆仔，之後走人架．唔得架嗎．．．
之後本來老婆仔同我一齊上葵盛，我拎外套俾佢著，因為佢夜晚要落吧，我心底其實唔想俾佢落，不過佢好朋友生日，根本就無咩理由唔俾佢落牙，都唔想俾佢落吧影響我地既關係，咪俾佢落囉．之後晚上８點佢都未走，陪佢朋友行緊，之後我拎外套俾佢啦．之後我講左好多希望佢會聽既事，我估佢都玩到２點幾．因為佢話三點鐘無小巴番到屋企，之後我都同佢朋友講幫我睇住佢，費事俾老婆仔貓左啦，無我係身邊好煩架嗎．
結果，老婆仔一樣令我失望，都令我好累，見到佢俾我既信息，我就知道佢醉左了，後來仲誇張話自己無醉，事實上都唔知自己打左咩野，仲問我如果貓左我接唔接佢，當然我好想接啦，但係佢無理到我環境，令我又心急，又唔知點算，又擔心佢，結果我喊左出黎，就好似半年前咁樣，佢一樣令我擔心，情況一樣係咁，而我一樣係喊左出黎．半年前我深愛佢，所以我極度關心佢，擔心佢．今日我一樣極度深愛著老婆仔，都一樣好擔心佢有冇事，佢仲要醉左，好驚佢有無事，有無俾人聊，或者無，或者有都唔話我知，最後佢４點幾先走，仲要係坐的士走，我唔知講咩好我到底係咪有錯呢，定係我關心係錯．．〕
我話過我唔想重複既事件發生，我唔想一個二個都出事牙．．．我都唔想你出事牙．．．
好想你唔好再落吧，但係一到咩特別日子，你既好朋友就一定叫你落吧，唱K飲酒，我諗可能會影響到我地既關係，你次次都話有分數，而我次次都信你．你次次都令我失望．．你話點解我地住得咁近，距離好似咁遠，你覺得咁樣落去，你會同我拉近嗎．．．或者你不愛錫自己，但我不想你有事．．
兩個世界的人可以因為一刻而遇上，兩個世界既人都可以因為一件事而分開．．
Chatboard (0)